| TO Jupiter@
jupiter-land.com, 新男人代言人Bono
From:Joven @
hohodor.com
Subject :是不是男人累了我們?
Date : Nov 19, 03
我的中學年代，打從十月開始，操場旁的長𢞖上就開始聚集織冷頸巾的女同學。放學後，大家都不再逛街買Little Twin Star，而是跑到彌敦道買冷。Lunch也只在Tuck
Shop解決，不然織給男友的冷頸巾就會趕唔切!
站在女生角度，我明白(我是明白，卻不能體會)日以繼夜，一針一線編出溫暖頸巾的幸福感，為心愛的人付出是最美滿不過的心靈寄托。我卻很好奇，男生又會怎樣想?
我的雜誌最近訪問過一些男生，一面倒的答案是，如果收到女朋友的溫暖牌，他們會好龲，好甜。
老實講，我對於這個趨勢，是有一點皺眉的! 你們呢?
Joven, Bono
我從來沒想過這個溫暖牌問題，你這次提起，卻令我發覺我身邊雖然有不少人懂得編織(無論是阿婆那代還是同輩朋友)，卻沒有一個會為男人織冷衫。所以在我的意識中，這件事是十分out的。想不到原來新一代愛打機愛穿板仔衫的男生仍會渴望有件溫暖牌!
大慨無論時代如何進步，對女性的定型從來沒變過---女人要溫柔、體貼、懂得照顧男人、要刻苦耐勞的一針一針編出賢妻良母式的關懷。
同樣是付出，如果一個女生幫一個男生做趕著要交的功課，甜心程度可能還不及她為他織一條長長的頸巾吧?
Jupiter
Jupiter ,Joven
這現象，男的冇可能不喜歡的，我都可以想象到那份幸福，雖然我從來冇收過的福份．
而這行動對男對女都好，不淨只男好．女的其實係藉這機會，令自己長大，成為一個女人，係行動或細心上，不是生理上．充份流露出母性．學懂體貼，一個牛王妹就冇可能坐下來織也，即是話，係一個由小女孩變成少女的重要一步也．
我不會皺眉啊
問題係：男生是否懂得欣賞或回敬這份心意
冇錯係心意，你估真係那條巾嗎
好老實講，手工其實麻麻，大家知，就算男生發現條巾唔係幾靚，但都要充份表現出感激的情懷同反應，唔係扮野，而係真係學懂珍惜同欣賞女友的一針一線．
而且在適當時還以心意，唔好一切奉旨．
其實係情趣多於一切．
不過提醒女生一句：最好一路織之時，都唔好比佢知．等完成時才嚇佢一跳，咁就效果最佳．
Bono
另外，友人Mr.Man亦有以下回應
:
我覺得條頸巾係一種心意既連繫,代表女方付出既感情投射於物件之上,讓男方實實在在咁feel到,最重要對於男仔而言又實用,保暖又可以長時間o係冬天用,即係感性同理性上都合晒心意。
條頸巾靚唔靚就唔緊要,簡單pattern is the best 啦.
Jup: 但係咪如果個女仔幫你做功課，個心意冇織冷衫咁大??
某程度係時間分別囉,條頸巾用成個秋冬,下年又用得,又貼身,
功課就本質上就完全唔同,冇心意可言,更唔係女方既心意嘛,即唔係禮物,唔unique,仲要功課本身係大家都頗唔願意做既野添.
|